Edi Reja i befason të gjithë, thërret në kombëtare mesfushorin e Partizanit

Trajneri i ri i kombëtares, Edi Reja po tenton të sjellë një frymë të ri në grupin kuqezi. Tekniku 73-vjecar po e fillon punën, duke zgjeruar grupin e lojtarëve që mund të vijnë në grumbullim.

Këtë herë Reja i ka befasuar të gjithë me lojtarin që pritet të grumbullojë për dy ndeshjet e para në stolin kuqezi. Bëhet fjalë për mesfushorin e Partizanit, Bruno Telushi, i cili do të jetë pjesë e ekipit për ndeshjet me Islandën dhe me Moldavinë në “Elbasan Arena”.

Lista nuk është bërë e ditur ende nga Reja, por burime për Supersport kanë konfirmuar këtë vendim të teknikut Italian.

Bruno Telushi ishte një nga lojtarët më të mirë të kampionatit në sezonin që po mbyllet. Ai ishte lideri i mesfushës së Partizanit kampion.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern