Futbolli në zi, arbitri humb jetën gjatë ndeshjes

Një ngjarje e rëndë është shënuar në botën e futbollit gjatë ndeshjes  mes Always-Ready dhe Oriente Petrolero e vlefshme për kampionatin bolivian.

Në minutën e 47- të ndeshjes, arbitri Viktor Hugo Hurtado ka humbur ndjenjat dhe si pasojë është shtrirë në mes të fushës.

Pas kësaj 31-vjeçari është transportuar menjëherë për në spital, ndërkohë mediat vendase raportojnë se sapo ka mbërritur në spital ka pësuar një atak tjetër në zemër, duke humbur jetën.

Dyshohet se një nga shkaqet e vdekjes së arbitrit Hurtado ishte sasia e pakët e ajrit. Ndeshja u luajt në stadiumin “Muncipal” në El Alto, i cili ndodhet rreth 3900 metra mbi nivelin e detit.