Deputetja e PS ngriti padi ndaj tij, flet pas gjyqit Ervin Salianji: I rilindi kompania e burrit

Ish-deputeti i Partisë Demokratike ka qenë sot i pranishëm në Gjykatën Penale, për padinë që ka ngritur ndaj tij, deputetja e Partisë Socialistë, Klotilda Ferhati.

Salianji ka hedhur akuza kundra saj duke deklaruar se pasuria e burrit të deputetes që pas ardhjes në pushtet të socialistëve në 2013 është shumëfishuar. Ai ka shtuar se për këtë disponon fakte konkrete që lidhen me akuzat që bën.

“Sot në seancë është rasti i deputetes së PS, Klotilda Ferhati. Këta duan edhe të zhvatin, edhe vjedhin edhe t’u thuash bravo u qoftë. Me ardhjen e rilindjes ka rilindur kompania e burrit të saj, xhiroja e së cilës është 3 miliardë e disa milionë lekë.  Kjo është akuza që kam bërë për deputeten dhe do të përballem edhe në gjykatë sot, për të marrë edhe vërtetimet si i kam thënë. Është rast i mirë, si çdo rast që çohet në gjykatë do të marrë më shumë vëmendje mediatike, për çdo deputet që për shkak të skandaleve të mëdha, të drogës e vjedhjeve nuk janë bërë publike. Në të ardhmen do të kemi kohë, rast tipik, jo vetëm ky, por si të gjithë përfaqësuesit e PS apo rilindjes, u janë fryrë financat dhe mendojnë se do tu mbyllin gojën publikut, se mua jo e jo”- u shpreh Salianji.