Në ditën Ndërkombëtare të Jetimëve, Presidenti i vendit, Ilir Meta, në një shënim në Facebook shkruan se humanizmi dhe solidariteti njerëzor, janë në themel të vlerave tona dhe se ne jemi kombi i Nënë Terezës.
Ai bën apel që të punojmë dhe reagojmë me përgjegjshmëri për integrimin e jetimëve, edukimin e arsimimin e tyre.
“Ne jemi kombi i Nënë Terezës. Humanizmi dhe solidariteti njerëzor, janë në themel të vlerave tona, me të cilat krenohemi kudo në botë.
Me rastin e Ditës Kombëtare të Jetimëve, apeli im është të punojmë e të reagojmë me përgjegjshmëri për integrimin e jetimëve, edukimin e arsimimin e tyre. Jetimët duhet të ndjejnë ngrohtësinë e shtetit dhe shoqërisë dhe të ndihen pjesë e familjes sonë të madhe”, shkruan kreu u shtetit.
