Kapriçot e motit, java nis me temperatura të pazakonta

Temperaturat anormale të këtij muaji maj do të vijojnë edhe në fillimin e kësaj jave.

Ditën e hënë priten reshje mesatare në qarkun Durrës dhe të dobëta në pjesën tjetër të territorit. Në shumicën e qarqeve reshjet pritet të arrijnë deri në lokalisht mesatare Në zona të kufizuara reshjet mund të jenë në formë shtrëngate.

Temperaturat minimale dhe maksimale të ajrit pritet të arrijnë: në bregdet: 15 / 20 °C ; në vendet e ulëta: 14 / 20 °C ; në vendet malore: 10 / 17 °C

Era pritet të fryjë mesatare deri e fortë dhe pritet të shkaktojë disa probleme të vogla në porte në lidhje me ankorimin e anijeve të vogla, ndërsa për tragetet nuk pritet të ketë pengesa serioze.

Sa i përket rrezikut për zjarre, të gjitha qarqet pritet të jenë në nivelin “S’KA RREZIK” për zjarre në pyje.