Shqipëria aktualisht ndodhet në një ngërç politik, me një opozitë jashtë parlamentit që refuzon të marrë pjesë në zgjedhje dhe mazhoranca që është e vendosur për të marrë pjesë në garën elektorale të 30 qershorit.
Dy kryetarët e partive opozitare LSI dhe PD, Monika Kryemadhi dhe Lulzim Basha ndodhen jashtë Shqipërisë për takime dhe vizita pune.
Pas SHBA Monika Kryemadhi do të jetë sot në Itali. Lajmin e ka bërë të ditur vetë kryetarja e LSI nëpërmjet një njoftimi në Facebook.
“Sot do të jem në Bolzano në një takim me shqiptarët,vllezër dhe motra, që jetojnë dhe punojnë në Itali’, shkruan Kryemadhi.
Ndërsa kryetari i Partisë Demokratike ndodhet në Britaninë e Madhe. Madje ditën e djeshme ai ka ritheksuar nga parlamenti britanik se nuk do të ketë më negociata me Edi Ramën si kryeministër.
