E rëndë/ Po punonte tokën me frezë, fermerit i shpërthen granata në dorë (EMRI)

Pasditen e sotme një ngjarje e rëndë ka ndodhur në fshatin Shqitas të Maliqit.

Mësohet se një fermeri i ka shpërthyer granata në dorë teksa po punonte tokën.

I plagosuri është identifikuar si shtetasi Hergert Spahiu, 39-vjeç.

Sipas informacioneve ai ishte duke punuar tokën me frezë, në momentin që ka rënë në tokë me mjetin shpërthyes.

I riu është transportuar drejt spitalit, ku raportohet se ka marrë dëmtime në dorë dhe ndodhet nën kujdesin e mjekëve.

NJOFTIMI ZYRTAR I POLICISE

Më datë 16.05.2021, rreth orës 16:10, në Spitalin e Korçës, ka shkuar për ndihmë mjekësore shtetasi H. S., rreth 39 vjeç, banues në fshatin Shqitas, Maliq, i cili duke punuar tokën e tij me një mjet bujqësor tip frezë, ka rënë në kontakt me një mjet shpërthyes (dyshohet granatë e vjetër) ku për pasojë ky shtetas ka marrë dëmtime në dorë dhe ndodhet nën kujdesin e mjekëve.

Grupi hetimor po punon për të sqaruar rrethanat e ngjarjes.