Mjekët ngrenë alarmin: Kujdes, kjo është sëmundja misterioze e trurit që po përhapet te njerëzit

Së fundmi mjekët kanë ngritur alarmin për një sëmundje misterioze të trurit që po përhapet në Kanada.

Në provincën Neë Brunsëick janë identifikuar 48 raste dhe po ndiqen hap pas hapi nga neurologët.

Mosha e personave të sëmurë varion nga 18-85 vjeç.

Ndërsa simptomat përfshijnë: agresivitet, ankth, depresion, dhimbje muskujsh dhe spazma.

Gjithashtu në disa pacientë u vunë re probleme me gjumin, me të folurit, rënie drastike nga pesha etje. Simptomat e sëmundjes janë të ngjashme me sëmundjen Creutzfeldt-Jakob (CJD), një sëmundje e rrallë dhe fatale për trurin. Ndërkohë një ekip studiuesish po përpiqen të përcaktojnë nëse sëmundja është një sindromë neurologjike.

Michael Coulthart, kreu i rrjetit të mbikëqyrjes CJD të Kanadasë, u shpreh se gjatë këtyre 20 viteve punë nuk ka parë pacientë me këto lloj simptomash, ndërsa shton se këto raste të identifikuara së fundi janë tepër shqetësuese pasi ende nuk dihet se për çfarë sëmundje bëhet fjalë. Disa ekspertë thonë se ajo mund të jetë një sëmundje e re dhe deri tani e panjohur. Në konsideratë po merret gjithashtu edhe mundësia e helmimeve për shkak të ndotjes së natyrës apo të ngjashme me këtë.