Dy gra shumë të njohura/ Nikoll Lesi zbulon emrat: Ja kandidatet për rivale të Bashës në PD

Ditën e sotme Partia Demokratike pati dy mbledhje të njëpasnjëshme, të Kryesisë dhe Këshillit Kombëtar.

Ndërkohë pas zgjedhjeve të 25 prillit, në selinë blu nuk pritet ndonjë zhvillim i paparashikuar.

Kryetari Lulzim Basha pritet që të ripërsërisë qendrimet e tij në lidhje me votimet e 25 prillit.

Në reagimet që janë bërë deri më tani, PD nuk ka njohur rezultatin duke akuzuar qeverinë se ka manipuluar procesin, duke siguruar kështu mandatin e tretë.

Në Kryesi, i vetmi që mund të shkaktojë debate, është Fatbardh Kadilli, i cili ka shpallur kandidaturën për kryetar i PD, por që nuk ka ndonjë peshë politike në strukturat e demokratëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në Këshillin Kombëtar të PD janë disa emra që mund të krijojnë debate, duke kërkuar edhe dorëheqjen e Bashës, mes të cilëve edhe Bujar Nishani.

Koha Jonë me botues Nikoll Lesin, në një artikull të botuar në versionin online, shkrun “burime të rezervuara nga grupi antiBasha në PD po mendojnë të nxjerrin një kandidaturë rivale për zgjedhjen e kreut të ri të PD-së, mandat që votohet në muajin korrik”.

“Humbja e PD-së në këto zgjedhje ka sjellë pështjellim në selinë blu. I pari e theu heshtjen Bujar Nishani, ish-president Republike dhe sot kryetar i Këshillit Kombëtar të PD. Ai kërkoi largimin e Lulzim Bashës, pasi sipas tij PD po qëndron në opozitë vetëm nga Lulzim Basha.

Edhe grupi IMAMI and co po mendon të nxjerrë një kandidaturë përballë Bashës me synimin, sipas tyre, përbashkimin e krejt demokratëve të këtyre 30 viteve dhe fitoren përballë Ramës.

Burime të rerzervuara thanë për KOHA JONE se janë dy kandidatura, që do përzgjidhet në një, përballë Lulzim Bashës. Do jenë Jozefina Topalli dhe Majlinda Bregu. Njera prej tyre do miratohet si kandidaturë e vetme përballë kryetarit aktual Basha.

Majlinda Bregu është figurë e lartë, pasi sot ajo punon si drejtore për Ballkanin Perëndimor në varësi të BE.

Po të njëjtat burime thanë se nuk është çudi që një prej anëtarëve të kryesisë së PD të dalë kandidat kundër Lulzim Bashës”, thuhet në artikull.