Përplasje masive në aeroport/ Sherr me grushte e shkelme, 3 persona përfundojnë në spital

Një sherr masiv ka ndodhur mes disa burrave në aeroportin “Luton” në Londër, ku tre persona kanë përfunduar në spital, ndërsa 17 të tjerë janë arrestuar nga policia.

Në videon më poshtë shihet se disa burra që zihen me grushte, shkelmojnë dhe godasin njëri-tjetrin me valixhe në zonën e pritjes në aeroport.

Policia po heton përleshjen dhe autoritetet e aeroportit u kanë kërkuar falje pasagjerëve të tjerë që u shqetësuan për shkak të konfliktit.