Vde kja misterioze e Adriatik Balliut, mediat në Angli ngrenë alarmin: Trupi iu gjet në bodrumin plot me kana bis

Një ngjarje e rëndë ka ndodhur në Shefild të Anglisë vitin e kaluar, ku gjet pajetë Adriatik Balliu. Shqiptari kishte ndërruar jetë brenda një bodrumi të mbushur plot me kanabis por vdekja e tij është ende mister për Policinë.

Trupi i 32-vjeçarit Adriatik Balliu u gjet në 12 korrik të vitit të kaluar brenda një shtëpie në Rockley Road pasi ai u raportua i zhdukur nga gruaja e tij. Ai nuk ishte parë nga gruaja e tij që nga 10 korriku kështu që oficerët hynë me forcë në vendin ku ishte parë për herë të fundit. Ai u gjet në fund të shkallëve, në një pronë ku po kultivoheshin 88 bimë kanabisi.

Balliu ishte zhvendosur në Angli së bashku me gruan e tij në mars të vitit 2019, ndërsa me vete kishin marrë dhe vajzën e tyre të mitur. Por shqiptari pasi humbi punën si lavazhier për shkak të pandemisë vendosi të kërkonte gjetkë.

Edhe pse inspektoi të gjithë banesën ku kishte ndërruar jetë 32-vjeçari, Policia nuk gjeti ndonjë rrethanë të dyshimtë ose përfshirje ndonjë personi të tretë duke rritur misterin lidhur me vdekjen e tij./Dosja