Foto/ Ky është efektivi i RENEA-s që u kap sot me koka inë, ja kush janë bashkëpunëtorët e tij

Personi që shihni në foton e mëposhtme është oficeri i RENEA-s, Xhulio Liçi.

Të tjera detaje dalin në dritë në lidhje me ngjarjen e paprecedentë që ka ndodhur këtë të premte në kryeqytet.

Si rezultat i një operacioni disa ditor të SHÇBA-së në bashkëpunim me Drejtorinë e Policisë së Tiranës, janë vënë në pranga tre persona, midis tyre Xhulio Liçi (efektiv i RENEA-s) si dhe bashkëpunëtorët e tij, Ded Nimani dhe tjetri me mbiemrin Gaci.

Ata janë kapur në zonën e Ndroqit teksa po transportonin 1 kg kokainë. Prej një jave, SHÇBA ka ndjekur Liçin derisa sot ka bërë të mundur arrestimin e tij në flagrancë. Bëhet me dije se ai u shërbente grupeve të drogës, duke bërë të mundur shpërndarjen e kokainës, duke qenë ishte polic dhe me anë të kartës së punës, shfrytëzonte postin për aktivitete kriminale.