Theu karantinën për të dërguar djalin në shkollë, shqiptari rri het me drejtorin e shkollës

Një ngjarje e çuditshme ka ndodhur këtë të premte në Itali. Një shqiptar është konflikuar me stafin e shkollës së djalit të tij.

Mediat e huaja shkruajnë se djali i tij nuk u lejua të hynte në mësim, pasi kishte thyer rregullat anti-Covid.

Ata duhej të kishin qëndruar në karantinë 14 ditore pasi sapo ishin kthyer nga Shqipëria.
Mirëpo, 47-vjeçari shqiptar reagoi në mënyrë shumë agresive duke bërtitur dhe ofenduar të gjithë të pranishmit.

Pasi drejtuesit e shkollës njoftuan policinë për ngjarjen e ndodhur, ai u largua mënjëherë së bashku me djalin e tij.

‘Arratisja’ zgjati shumë pak, pasi policia e gjeti dhe e gjobiti atë.