Pamje që të thyejnë zemrën, 5 vjeçarit me leuçemi i duhen 130.000 euro të jetojë

Emisioni “Shqiptarët për shqiptarët” transmetoi një tjetër histori ku një fëmijë ka nevojë urgjente për ndihmë shëndetësore. Quhet Elisian ose shkurt Elio, është 5 vjec dhe vuan nga leucemia. Prindërve ka pak më shumë se një javë që u është përmbysur bota pasi mësuan sëmundjen e të birit. Lirimi dhe Ermira, prindërit e Elios siç rrëfejnë rrefyen, jetojnë në Kombinat në një shtëpi që s’është e tyre. S’kanë asnjë mundësi ekonomike për ta shpëtuar të voglin e tyre.

“Asnjë nuk e kupton këtë që ndjej unë, tek fëmija nuk mund ta duroj, pa djalin në shtëpi nuk iki gjallë. Gjithë kohës rrinte i lodhur, para një muaji po çalonte, thamë se mos ishte rrëzuar, i dhimbte gjuri, u mblodhën tre mjekë, i morën gjak në palcë doli që ishte me leucemi, thanë duhet të shtrohet urgjent më ra të fikët, më mirë të vdisja. E shtruam nuk e ka nis ende kimion, është i këputur, ka dhimbje tek gjuri, nuk i dihet. Dua ta rris djalin sic e rrita me motrën, ai kërkon të shkojë në shtëpi. Është fëmijë i dashur më njerëzit, ashtu dua të kthehet përsëri. Nësë ai shpëton unë tani jap jetën, dua që djali të më shpëtojë, kam frikë mos ma gjen gjë këtu në Shqipëri nuk bëhët ka nevojë për transplant kocke dhe palcë, operacioni kushton 130.000, vetë jam pa shtëpi mezi ja dalim për tu ushqyer, nuke përballoj dot këtë shumë, vetëm Elvis Naci mund ta bëjnë këtë gjë, Elvisi dhe Zoti mund të ma shpëtojnë djalin, vetëm tek ai beson gjithë Shqipëria, vetëm Elvis Naçi dhe Zoti mund të bëjë mrekullinë” thotë e ëma e Elios. “Mu shemb bota, nuk e di, ata që e kanë kaluar më besojnë, ne jemi gati të japim edhe jetën që ai të bëhët mirë, shpresoj që Zoti mos të ma largojë, nuk kam fjalë ta përshkruaj. Kjo shumë është marramendëse. Nuk kam pas mundësi të dal të punoj, ju lutem na ndihmoni. Elvisi do bëjë mrekulli për djalin tim, ata e kane në dorë jetën e fëmijës” thotë babai i Elios. Elio është binjak me motrën e tij Elisiana, fatmirësisht motra është gëzon shëndet të plotë ndërsa Elio jo. Prindërit luten për ndihmë. Që djali I tyre të shpëtojë duhen mbi 130 mijë euro, për ta cuar tek Bambino Jesu. Kanë edhe dy fëmijë të tjerë, të cilët në këto kohë po i mban gjyshja. Ka edhe ajo një lutje për nipin e vogël.