LIGJET E BIZNESIT
Kandidati fitues për deputet i Partisë Demokratike në Lezhë Agron Gjekmarkaj ka bërë një paralajmërim të fortë duke thënë se në Shqipëri priten protesta të forta në rast se nuk merren masat e nevojshme dhe nuk faktohen ato që ai i ka cilësuar si krime zgjedhore.
Madje ai ka shtuar se opozita po përgatit dhe një dosje në lidhje me të gjitha këto.
“Në Shqipëri do ketë demonstrim dhe zemërim për të mbrojtur votën. Padyshim do ketë protesta. Ndër më të fortat që ka njohur historia.”, tha Gjekmarkaj në emisionin “Breaking”.
Gjekmarkaj foli edhe për nismën e mazhorancës për shkarkimin e presidentit, duke e quajtur një turp më shumë. Gjithsesi, tha Gjekmarkaj, kjo qeveri ka një samar të fortë për të mbajtur turpe në shpinë.
“Ne jemi në krizë totale këtu. Këtu kemi tragjedi të institucioneve nga pikëpamja formale. Shkarkimi i Metës do të ishte një turp më shumë. Kjo qeveri ka një samar të fortë për të mbajtur turpe në shpinë. Opozita është viktima e këtij procesi. Ramës i intereson të flitet për diçka që nuk ekziston, prandaj merret me Metën. Nuk merret me botën e krimit dhe blerjen e votave. E gjithë kjo bëhet në kurriz të PD.”, tha Gjekmarkaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çfarë ndodh nëse shkarkohet Meta?
Ka aspektin qesharak. Të bësh presidente Manastirliun, Etilda Gjonin apo Spiropalin. E dyta është rënia e institucioneve në duart e një personi.Projekti i opozitës dhe sfida e PD është sesi të rikthehen zgjedhjet e lira në këtë vend.Që vota të mos blihet, që të fortët të mos ndikojnë.
