I dënuar me 10 vjet burg për drogë, arrestohet trafikanti nga Tirana

Policia e Tiranës ka arrestuar një të kërkuar i cili ishte dënuar nga Gjykata e Apelit për trafik lëndësh narkotike.

Shtetasi i arrestuar me iniciale F.M ishte shpallur në kërkim pasi Gjykata e Apelit për Krimet e Rënda e ka dënuar me 10 vjet e 6 muaj burg.

Gjithashtu në banesë gjatë kontrollit Policia gjetu dhe sekuestroi disa dokumenta italiane të cilat dyshohet se mund të jenë të falsifikuara.

NJOFTIMI ZYRTAR I POLICISE

Vijon zbatimi i planit të masave për kapjen e personave të shpallur në kërkim.

Një tjetër i kërkuar për trafik të narkotikëve vihet nën pranga.

Shërbimi i Forcës së Posaçme Operacionale në zbatim të planit të masave për “Rritjen e paramterave të sigurisë, intesifikimin e masave investiguese, operacionale lidhur me gjetjen e personave në kërkim”, lokalizuan, kapën dhe ndaluan shtetasin:

– F.M, 52 vjeç, banues në Tiranë.

Ky shtetas ishte i shpallur në kërkim pasi, më datë 18.12.2018, Gjykata e Apelit për Krimet e Rënda e ka dënuar me 10 vjet e 6 muaj burg, për veprën penale “Trafikimi i narkotikëve, kryer në bashkëpunim”

Gjithashtu gjatë kontrollit Policia gjeti dhe sekuestroi edhe disa dokumente në gjuhën italiane të cilat dyshohet se mund të jenë të falsifikuara.

Në përfundim të veprimeve ky shtetas u procedua edhe për veprën penale “Falsifikimi i letërnjoftimeve i pasaportave ose vizave”

Materialet në ngarkim të këtij shtetasi u referuan për veprime të mëtejshme Prokurorisë për Krime të Rënda, Tiranë