Kryetari i bashkisë Tiranë ishte mbrëmjen e kësaj të enjte i ftuar në a2cnn, ku ka folur për herë të parë pasi u zyrtarizuar për një mandat të dytë në krye të Tiranës.
Për Veliajn një nga çështjet më të rëndësishme, ku janë përqendruar dhe goditjet politikë ndaj tij, është shpërthimi i lejeve të ndërtimit në vitin e fundit.
Por në intervistën e tij, Veliaj e ka një shpjegim për këtë që është duke ndodhur. Sipas tij ritmi i madh i rritjes së qytetit dhe turistët e panumërt që vizitojë asetet turistike të Tiranës kanë nevojë për pallate të reja banimi dhe hotele të rinj me 5 yje. Në këtë intervistë Veliaj ka treguar për herë të parë se çfarë është duke u ndërtuar te kantieri pas Kullës së Sahatit të Tiranës.
“Bashkia mban një ritëm të 4-5 mijë apartamenteve të reja në vit, besoj është një ritëm i shëndetshëm”, thotë Veliaj. Shumë vinë për të jetuar, por shumë të tjerë, nga e gjithë bota, edhe për të vizituar. Kemi pasur 600 mijë të tillë, vitin e kaluar”, thotë kryebashkiaku aktual dhe kandidati i PS edhe në zgjedhjet e ardhshme vendore.
Një interes i tillë justifikon sipas tij nevojën për ndërtimin e kullave në qendër, të cilave po i interesohen kompanitë më të famshme të hotelerisë. “Kemi disa hotele që janë me 5 yje, pra kemi një hotel Mariott që tashmë ka bërë një marrëveshje me kullën që është tek stadiumi Qemal Stafa, kemi hotelet Melia për pjesën tjetër përballë sheshit “Skëndërbej”, jemi në diskutim me “Swiss Hotel” dhe “Fairmont” me në zonën pas Bashkisë”,- ka thënë Veliaj.
