Pasojat e reshjeve, plehrat mbushin bregdetin e Shëngjinit

Gjithë reshjet e ditëve të fundit i kanë tejmbushur lumenjtë e vendit, që në rrugën e tyre drejt bregdetit kanë marrë me vete edhe mbeturinat që pushtojnë brigjet e tyre pranë çdo zone të banuar.

Këtë të enjte, efekti i parë që është dukur ka qenë në bregdetin e Shëngjinit. Në zonat e ‘Kune Vain’ dhe ‘Rana e Hedhun’ janë shfaqur pirgje dhe sasi të mëdha mbetjesh urbane.

Shishe, qese, dhe plastika të tjera të rrezikshme të sjella nga lumi Drin kanë pushtuar këtë pjesë të bregdetit.

Autoritetet lokale në Bashkinë Lezhë pasi kanë konstatuar këtë ngjarje shumë të rëndë mjedisore kanë reaguar menjëherë dhe thanë se do të marrin masa për pastrimin sa më të shpejtë të bregut.