Drejt fundit/ Dhe një kuti ka mbetur në Tiranë, ja 2 politikanët që kryesojnë me vota

Procesi i numërimit të votave për kandidatët në Tiranë është drejt fundit.

Edhe pse tashmë parlamenti i ri është kompletuar me 140 deputetë, në Komisionin Qendror të Zgjedhjeve ka mbetur pa u pasqyruar vetëm një kuti në kryeqytet.

Kandidatët që kanë mundur të thyejnë herësin dhe të sigurojnë mandatin e deputetit janë vetëm 3: Fatmir Xhafaj dhe Ornaldo Rakipi nga Partia Socialiste dhe Luçiano Boçi nga Partia Demokratike.

Ndërkohë deri më tani më i votuari i Partisë Demokrate është Lulzim Basha me 16186 vota, ndjekur nga Agron Shehaj me 13852 vota dhe Belind Këlliçi me 11581 vota.

Ndërsa në Partinë Socialiste më i votuari është Fatmir Xhafaj me 16738 vota, i cili arriti të thyente dhe herësin, ndjekur nga Ornaldo Rakipi me 15697 vota dhe Belinda Balluku me 15361 vota.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Fatmir Xhafaj mori mandatin e Fidel Yllit, ndërsa Ornaldo Rakipi mori mandatin e Ervin Bushatit të cilët mbetën jashtë Parlamenti pavarësisht se favorizoheshin nga renditja.