Në seancën e sotme të Kuvendit ka pasur disa momente kur kanë shpërthyer të qeshurat. Ishte momenti kur ka folur deputeti Kujtim Gjuzi, momenti që të gjithë deputetët vunë buzën në gaz.
Gjuzi ka tërhequr vëmendjen e të gjithëve kur ka folur për një ndeshje futbolli mes ti dhe Taulant Ballës dhe një bast që ata kishin vënë me kreun e Kuvendit, Gramoz Ruçin.
“Ju falenderoj se dhatë votë për minierat dhe njerëzit tanë që kanë vuajtur, bravo shumë mirë, ka filluar që të reagojë PS-ja, por kryeministrin pse nuk e shoh akoma më sallë, është në udhëtim. Zoti Balla nuk është mirë të trysnojmë opozitën që ka dalë te bregu i Lanës. Më me kujdes herën tjetër. Zoti Balla nuk dua të them se njihemi bashkë prej kohësh kur kemi luajtur futboll bashkë. Pavarësisht se Fino kërkon të vendosë baste me Rucin, por Ruçi i fiton se është nga Tepelena.”
“Nuk mundet të shkojmë në zgjedhje dhe PS të mos ketë në 25 qytete…Ka ndonjë hapësirë këtu mendoj unë, që të mos sëmuremi të gjithë si ata të 17 të Durrësit që e lanë vendin… Zoti Balla do të kërkoja që të realizojmë zgjedhjet, të krijojmë një hapësirë për opozitën që ka dalë atje, ti dalim borxhit, se dikush mund të jetë dehur se pi raki nga mëngjesi në mëngjesi dhe nuk ke çfarë t’i kërkosh. Pastaj do të flasim për rrugën Shijak-Durrës skandaloze të thyhet edhe Land Rover, me vjen keq se nuk kemi ku ti gjejmë paratë se 10 mijë lekë mbajmë në xhep” tha Gjuzi.
