LIGJET E BIZNESIT
Në deklaratën e saj para mediave për herë të parë pas humbjes në zgjedhje, kryetarja e LSI Monika Kryemadhi u shpreh se opozita ka ndjekur një strategji të gabuar.
Ajo shtoi se në emër të të gjithë partisë i kërkon falje presidentit Ilir Meta, pasi shqetësimet e tij i konsideroi të drejta: që nga djegia e mandateve edhe mospjesëmarrja në zgjedhjet vendore të 2019.
Sipas kësaj këto ishin dy veprime që ‘fundosën’ opozitën kundërshtare të Edi Ramës.
Pjesë nga deklarata e Monika Kryemadhit:
Dua të uroj fitoren e oligarkëve dhe bandave sepse ata fituan zgjedhjen
Së dyti uroj presidentin Vuçiç për sondazhet e sakta që dha në Shqipëri
Sot u mbyllën rezultatet e zgjedhjeve për Partitë dhe dua të falënderoj 107 mijë votuesit e vlefshëm që dhanë votën për LSI dhe 87 mijë të paligjshmit.
Ky është një falenderim zemre dhe shpirti për të gjithë burrat dehe gratë që nuk pranuan të shiten dhe vazhduan betejën deri në fund.
Makineria mediatike oligarkike politike nuk u tërhoq asnjë moment.
Patëm një strategji të gabuar, mosmarrje pjesë në zgjedhjet lokale dhe i dhamë dashje pa dashje Edi Ramës dhe bandës së tij pushtet të madh.
Kjo gjë dhe koha dhe ky rezultat tregoi që shqetësimi i Presidentit ishte i drejtë për këtë situatë ku gjendemi sot ndaj dhe dua që në emër të LSI dhe timin persona ti kërkoj falje për këtë veprim e këtë qëndrim që nuk soli asgjë tjetër për ndryshimin po solli vetëm rrëmbimin dhe fitoren e zgjedhjeve.
LSI dhe qytetarët ishin përballë një pabesie të madhe që e deformoi thellë vullnetin e tyre, i dha hapësirë dhe frymë bandave dhe krimit, i dha mundësi lëvizjeje oligarkëve për të tjetërsuar dhe sfumuar çdo qëndrim.
