Rudina Hajdari lë nam në Kuvend, e nis me vrull të madh…në fund reciton!

Deputetja e Partisë Demokratike Rudina Hajdari, gjatë fjalimit të saj në seancën e sotme në Kuvend, është shfaqur ndryshe nga më parë.

Ajo e ka filluar fjalimin e saj, me një pathos, me një frymë të tillë që nuk e kemi parë kurrë më parë.

Pas gafave që ka bërë në fjalimet e mëparshme këtë herë deputetja e ka filluar fjalën me ashpërsi por ka përfunduar me recitim.

Hajdari ka cituar epitetin për Bashën si: Kryetari në tentativë i legjionit të shpërbërë si dhe disa metafora siç janë “ushtria e mpirë” si dhe “biznesi po gulçon.”

“Ndërkohë që gjenerali hije me ushtri të mpirë ëndërron se ka punësuar në Shqipëri më shumë se gjysma e gjithë rajonit, biznesi po gulçon e kllapia e gjatësisë së tij e kap. Ndërkohë që gjenerali hije me ushtri të mpirë me gastorin e tij kimik luan luftrash, njerëzisë u idhtohet shpirti e iu përloten sytë. Nga krahu tjetër kryetari në tentativë i legjionit të shpërbërë u premton mjekëve se do t’i lajë me flori, mjekët dhe gjithë njerëzia cuditen.
Ndërkohë që kryetari në tentativë i legjionit të shpërbërë u premton Astirasve se nga Astiri nuk do heqë Astirin e ka për të qenë përherë Astir, Tirana vazhdon anormalitetin e anormalëve.