Surprizon qarku i Shkodrës, Tom Doshi lë shumë mbrapa Monika Kryemadhin

Në zgjedhjet parlamentare të mbajtura këtë vit, një nga partitë që ka marrë goditje të madhe ka qenë edhe LSI-ja. Nga rezultatet e publikuara deri më tani, kjo parti ka shënuar rënie shumë të madhe në krahasim me zgjedhjet e mëparshme.

Deri më tani, në qytetin e Shkodrës janë numëruar 98.7 % e votave. Partia Demokratike vijon të kryesojë rezultatin me 43.9%, e ndjekur nga Partia Socialiste me 28.3 %.

Surprizë në bashkinë e Shkodrës është fakti se PSD e Tom Doshit ka arritur të lerë shumë mbrapa LSI-në. Kjo forca politike ka marrë vetëm 9.1% të votave.

Partia Socialdemokrate ka 15.12% dhe projeksioni i mandateve deri më tani është PD 5 mandate, 3 PS, 2 PSD dhe 1 LSI.