Pezullohet numërimi i votave në KZAZ nr23 në Durrës. Vendimi erdhi pas kërkesës së pjesëtarëve të grupeve të numërimit të votave. Gazetarja e “BalkanWeb” Klodjana Haxhiaj raporton se në procesverbalin e mbajtur pas mbylljet së votimit më 25 prill kanë rezultuar 314 vota, ndërsa gjatë numërimit në kuti kanë qenë 315 vota.
Për këtë arsye është vënë në dijeni edhe KZAZ. Pasi u kryen veprimet përkatëse, u hap kutia e materialeve zgjedhore për të verifikuar ndonjë shënim të mundshëm, por nuk ka pasur. Grupet e punës kanë bërë ankimim tek kryetari i Komisionit Qëndror të Zgjedhjeve. Më poshtë, paraqiten dokumentet e siguruara nga “BalkanWeb”.










