LIGJET E BIZNESIT
Jep dorëheqjen Tom Doshi. Në orët e para të mëngjesit të së hënës ai i ka dorëzuar një letër Komisionit Qendror të Zgjedhjeve, në të cilën vendos dorëheqjen nga kryetar i PSD-së dhe kërkon zëvendësimin, sipas ligjit. Kjo ka ndodhur teksa numërimi i votave të 25 prillit kishte nisur thuajse në të gjithë vendit
“Unë i nënshkruari Tom Doshi, me vullnetin tim të lirë dhe të plotë, deklaroj se në datën 26 prill jap dorëheqjen e parevokueshme nga mandati im si deputet i Kuvendit të Shqipërisë. Deklaroj se sot në datën 26 prill jap gjithashtu dorëheqjen nga mandati im si deputet i fituar pas zgjedhjeve të 25 prillit 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 prill. I kërkoj KQZ të bëjë zëvendësimin tim si deputet sipas parashikimeve të Kodit Zgjedhor.
Sa më sipër është në përputhje me vullnetin tim të lirë dhe të plotë dhe nuk kam sot në datën 26 prill dhe asnjë pretendim me vendimin e KQZ, sipas të cilit mandati im i kalon kandidatit tjetër sipas parashikimeve të Kodit Zgjedhor. Kjo dorëheqje është e parevokueshme”, shkruan Tom Doshi në letrën dorëzuar KQZ-së.
Doshi nuk ka sqaruar arsyet e dorëheqjes, e cila është e parevokueshme. Emri I tij ëhstë përmendur disa herë nga Ambasadorja e SHBA-së në Tiranë, Yuri Kim, si një person të cilit i është ndaluar hyrja në Shtetet e Bashkuara që në vitin 2018, për shkak se “është i përfshirë në korrupsion të nivelit të lartë”. Por pavarësisht këtij qëndrimi të ambasadës amerikane, Tom Doshi u bë pjesë e listave për deputet të Partisë Social Demokrate në zgjedhjet e përgjithshme parlamentare të 25 prillit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
