Dalin pamjet e frikshme/ Ja si autori përplasi 3 makina dhe u fut në sheshin “Skënderbej” duke rrezikuar jetën e njerëzve (VIDEO)

Pas ngjarjes së rëndë te sheshi “Skënderbej” mesditën e sotme ka reaguar zyrtarisht dhe policia.

Në njoftim uniformat blu bëjnë me dije se autori që u fut me makinë në sheshin “Skënderbej” duke rrezikuar jetën e qytetarëve është Arben Mema, 32 vjeç.

“Ky drejtues mjeti (32-vjeçari Arben Mema) fillimisht ka përplasur tri automjete në vende të ndryshme duke shkaktuar dëme materiale dhe më pas ka thyer barrierat mbrojtëse dhe ka hyrë në sheshin “Skënderbej” duke rrezikuar seriozisht qytetarët.” – thekson policia.

Në njoftim theksohet se nuk është dëmtuar asnjë person dhe se dyshohet se drejtuesi i makinës ishte nën efektin e drogërave, pasi iu gjet edhe kanabis.

“Nga verifikimet paraprake të Policisë nuk ka persona të lënduar dhe dyshohet se drejtuesi i mjetit është nën efektin e lëndëve narkotike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu, këtij shtetasi gjatë kontrollit fizik iu gjet dhe iu sekuestrua një sasi me lëndë të dyshuar kanabis.” – njoftuan uniformat blu.