E pazakontë në Vlorë/ Komisionieri largohet nga votimi, nëna i rezulton pozitive me virusin

Një episod i pazakontë është shënuar sot në Vlorë.

Mësohet se njëri nga komisionerët, përfaqësues i LSI është larguar pasi dyshohet se është me C OVID19.

Bëhet me dije se ka qenë nëna e komisionerit, e cila ka kërkuar që ai të largohet pasi ajo kishte rezultuar pozitive me virusin.

Për të parandaluar infektimit e të tjerëve, komisionerit i është kërkuar që të shkojë të bëjë një tampon dhe ta paraqesë.

Burime për mediat theksojnë se fillimisht komisioneri nuk ka pranuar të largohet, por më pas ka ikur për të bërë tamponin.