“Dilni votoni masivisht” Kërkon të bëhet kryeministër, Basha u drejtohet shqiptarëve: Sot është dita e demokracisë

Kryetari i Partisë Demokratike Lulzim Basha ka votuar sot në njësinë numër 8 në Tiranë.

Pasi bëri zgjedhjen e tij, ai iu bëri thirrje qytetarëve duke vënë theks të fortë të rëndësia e pjesëmarrjes, që të dalin të votojnë masivisht për të ardhmen që dëshirojnë për vendin.

“Sot është një ditë e mrekullueshme për vendin tonë, – tha Basha, –  është  një ditë historike, është dita kur të gjithë ne kemi fuqinë në dorën tonë, të gjithë shqiptarët kanë fuqinë në dorën e tyre, të gjithë ju keni në dorë fuqinë tuaj, për fëmijët tuaj, për familjet tuaj, për vendin, për kombin.

Sot është dita të dilni dhe të votoni masivisht. Të dilni dhe të bëni me votën tuaj, të mundur të ardhmen që dëshironi për familjen, për vendi tuaj dhe për veten tuaj. Sot është dita e Shqipërisë, është dita e demokracisë. Dilni masivisht dhe hidhni votën tuaj.

Jam i lumtur që votën time e kam hedhur sot, në praninë e votuesve për herë të parë këtu në lagjen ku kam lindur dhe ku jam rritur dhe i bëj thirrje çdo djali dhe çdo vajze, çdo burri dhe çdo gruaje. Dilni masivisht dhe votoni! Kjo është dita juaj, është dita e demokracisë, është dita e Shqipërisë.  Faleminderit! Zoti e bekoftë Shqipërinë!”, deklaroi kryetari i opozitës.