Bëri thirrje për një “Elbasan” të dytë/ Xhelal Mziu thirret në Prokurori pas deklaratës shokuese

Drejtuesi politik i PD-së në Dibër, Xhelal Mziu është thirrur sot për të dëshmuar në prokurori, pas kërcënimit që bëri dy ditë më parë se kushdo që tenton të vjedhë votën do ta pësojë njësoj si Pjerin Xhuvani në Elbasan.

Kujtojmë se ky i fundit mbeti i vrarë pas përplasjes me grupet e ruajtjes së votës së PD-së.

Mziu ndërkohë po hetohet në gjendje të lirë, ndërsa menjëherë pasi deklarata e tij u bë virale, ai kërkoi ndjesë: Me sinqeritetin më të madh, shpreh keqardhjen time dhe pendesën time për komentin tim të panevojshem dje, për shkak të emocioneve të forta të momentit.Dua të jem i qartë: unë mbështes zgjedhje të lira dhe të ndershme dhe jam KUNDËR dhunës!Jam penduar thellë për komentin tim dhe kërkoj ndjesë para gjithë shqiptarëve.