Pamje të rënda/ Momenti kur Rudolf Nikollaj qëllon një e nga një besimtarët në xhami (Video)

Report Tv ka siguruar videon nga momenti i sulmit me thikë në xhami. Autori, Rudolf Nikollaj shihet teksa vrapon dhe një e nga një qëllon me thikë besimtarët në xhami.

Kujtojmë se Rudolf Nikollaj 34 vjeç, plagosi me thikë pesë besimtarë në xhaminë ‘Dine Hoxha’ te Rruga e Kavajës në Tiranë. Nikollaj nuk është një emër i panjohur për policinë.

Një muaj më parë, në 11 mars, ai ishte shpallur në kërkim, pasi kishte plagosur 32-vjeçarin Robert Kurti, pas një sherri të ndodhur në terminalin e autobusëve të veriut në Tiranë.

Kurti u dërgua në spital, kurse autori u shpall në kërkim. Ndërkohë, sot, ai qëlloi këdo që i dilte para në xhami dhe la të plagosur pesë besimtarët, të cilët fatmirësisht janë jashtë rrezikut për jetën.

Pas ngjarjes, ai u ndalua nga besimtarët e tjerë deri në momentin që mbërriti policia në vendin e ngjarjes.