Spektakolare/ Jahti gjigand kalon në mes të qytetit, pamje spektakolare

Nuk na ndodh çdo ditë që të shohim superjahte gjigante në kanalet e ngushta të Holandës.

Por për fat të mirë, fotografi i njohur Tom van Oossanen, regjistroi momentin teksa “Projekti 817”, një jaht prej 94 metrash, e ndërtuar nga kantieri holandez, po transportohej nga ishulli Kaag në Detin verior në Roterdam.

Në fotot e publikuara, vërehet se si një nga anijet më të mëdha të ndërtuara në 2021-shin, shfaqet teksa lundron në kanalet e ngushta, nëpërmjet shtëpive dhe kishave antike.

Ndërkohë, nga ana tjetër, banorët ndjekin të habitur spektaklin që dhuroi anija.

Sipas asaj që ka deklaruar fotografi, përgjatë kësaj rruge transferohen çdo vit katër deri në gjashtë jahte.