LIGJET E BIZNESIT
Presidenti i Republikës Ilir Meta akuzoi drejtuesin politik të qarkut të Vlorës për PS-në, Damian Gjiknurin se po blen vota, duke joshur me pula dhe zarfe qytetarët e Vlorës.
Teksa zhvilloi një bashkëbisedim me banorë të Orikumit për çështjen e prishjes së banesave të tyre, kreu i shtetit tha se banda e Astirit vijon shpërndarjen e pulave me furgon.
Midis të tjerash ai iu bëri thirrje qytetarëve që të tërheqin kartat e tyre të identitetit nga ata që ia kanë dhënë, ndërsa shtoi se ajo është shpata kundër padrejtësive.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“S’mund të them asnjë koment për këtë çështje (Per ngjarjen ne Elbasan). Në Berat ka pasur dhe furgon me mallra. Ka dhe Damiani furgon me pula të kalbura në Novoselë, duhet t’i kishte kapur policia. Këta janë të frikësuar nga zgjedhjet e lira. Na mjaftojnë vetëm sjelljet e tij, siç ishte dhe kjo e fundit për të përjashtuar kryetarin e bashkisë këtu nga fushata. Këtu çdo dy javë ndërrohen drejtoret e Kadastrave. Ftoj kandidatët e opozitës që të jenë të qetë nga gjithfarë provokimi. Të cilët në vend që të ndalojnë bandën e Astirit që ndan pula dhe zarfe, përpiqen që të frikësojnë aktivistët e opozitës, pasi të gjithë e dinë në Vlorë se kush ndan lekë. Kush ndan pula. Shkoni në Novoselë dhe do i mësoni të gjitha. I bëj thirrje qytetarëve të Vlorës që të shkojnë t’i kërkojnë kartat e identitetit atyre që ia kanë marrë dhe të votojnë. Karta është shpata kundër padrejtësive, për gënjeshtrat, si ajo e Artan Lamës që e dëgjuat dje dhe që keni përjetuar vet në kurriz.”, -tha Meta.
