Kokainë në kamionin nga Holanda drejt Shqipërisë, arrestohen dy trafikantët shqiptarë

Dy shqiptarë janë arrestuar në portin e Barit në Itali me akuzën e trafikut të drogës.

Në kontrollin që është bërë në doganën e portit të Barit, në kamionin që vinte nga Holanda me destinacion Shqipërinë, janë gjetur 7 kg kokainë dhe 150 mijë euro para cash.

Kamioni transportonte patate te ngrira nga Hollanda në Shqipëri.

Droga së bashku me eurot ishin fshehur në një vënd afër shoferit.

Dy shqiptarët e moshës 30 dhe 44 vjeç, identiteti i të cilëve nuk bëhet ende i ditur, janë arrestuar dhe tashmë do të gjykohen nga autoritetet italiane në burgun e Barit.