“Edhe 4 ditë…” Lulzim Basha zgjohet entuziast, ja paralajmërimi i fortë i kryedemokratit

Kryetari i Partisë Demokratike Lulzim Basha e ka nisur ditën sot me një mesazh motivues.

Ai u drejtohet entuziast të gjithë qytetarëve shqiptarë dhe mbështetësve të PD në prag të zgjedhjeve të 25 prillit.

“Edhe 4 ditë për fitoren e madhe. Votoni 9 dhe ne do sjellim ndryshimin për të cilin Shqipëria ka nevojë”, shkruan Basha më optimist se kurrë.

Kujtojmë se të dielën do të mbahen zgjedhjet e rradhës parlamentare në vendin tonë.

Në lista do të marrin pjesë 12 parti dhe disa kandidatë të pavarur në qarqe të ndryshme.

Ka dhe parti që  do të garojnë sivjet për herë të parë: Si Nisma Thurje e Endri Shabanit, Lëvizja për Ndryshim e Jozefina Topallit apo Lëvizja Demokratike Shqiptare e Myslym Murrizit.

Gjithashtu për herë të parë në këto zgjedhje, do të jenë dhe tre kandidatë të pavarur, nga radhët e Lëvizjes Vetëvendosje, por duke qenë se kjo forcë politike nuk është regjistruar si e tillë në Shqipëri, ata garojnë si të pavarur. Boiken Abazi për Tiranan, Iljaz Shehu për Lezhën dhe Kreshnik Merxhani në Gjirokastër.