“Sa të kem jetën, nuk votoj për PS” Revoltohet Rezart Veleshnja, tregon arsyen e fortë

Aktori i njohur Rezart Veleshnja ka folur së fundmi në lidhje me temën e shumëpërfolur në vend: atë të patronazhistëve.

I ftuar sot në programin “Wake up” ai zbuloi dhe për kë kishte menduar të votone më parë, por u shpreh i zhgënjyer nga cënimi i jetës private.

“Më në fund pashë database dhe më kishin kontrolluar çdo gjë timen, kunata, nga ka ardhur, nga vjen, kishte hyrë në familjen time, do votojë për PS i ati ka dalë në pension.

Njëherë e përgjithmonë, sa të kem jetën, për këta njerëz që mua më kanë bërë këtë gjë, që më kanë kontrolluar jetën dhe çojnë dhe informacione që është i sigurt ky që do votojë për ty, nuk e kanë votën vetëm nga kjo gjë.

Unë për PS isha me thënë të drejtën, do ta hidhja votën pas shumë vitesh, nuk do ta jap më, vetëm për këtë patronazhistin”, tha Rezi.