Gjykata e Apelit ka lënë në fuqi masën “Burg përjetë” për Fadil Kasemin, i cili ekzekutoi ish-bashkëshorten gjyqtare Fildez Hafizi në mes të Tiranës.
Kasemi qëlloi mbi ish-bashkëshorten me dy plumba pistolete ndërkohë që ajo ishte në makinë duke e lënë të vdekur në vend.
Ngjarja ndodhi më 31 gusht 2017 ndërkohë që gjyqtarja ishte e pajisur me urdhër mbrojtje.
Cifti ishin të divorcuar dhe kishin dy fëmijë, një djalë dhe një vajzë të cilët tashmë i k marrë në kujdestari tezja e tyre.
Kasemi ka shpjeguar në dëshminë e tij se me ish-gruan ka pasur marrëdhënie shumë të mira, deri në momentin kur ajo ka fituar studimet për në shkollën e magjistraturës. I pandehuri i këtij procesi gjyqësor, ka pohuar se motivi i këtij krimi të rëndë ka qënë pikërisht mosmirënjohja nga ana e gruas dhe devijimi i sjelljes së saj në marrëdhënin bashkëshortore.
