Rama: Së shpejti fillon vaksinimi për punonjësit e fasonerive dhe transportit publik  

Pritet që radhën për tu vaksinuar ta kenë punonjësit e fabrikave dhe transportuesit e udhëtarëve.

Lajmin e ka bëtë të ditur vetë kryeministri Edi Rama gjatë inspektimit nga afër të procesit të vaksinimit të operatorëve turistikë. Ndër të tjera, ai ka theksuar se hotelet, duke nisur nga bregdeti, do të jenë covid-free.

“Sot është e rëndësishme që të informohen edhe të tjerët. Qeveria është gati për të vaksinuar të gjithë personelin e strukturave hoteliere, duke filluar me ata në bregdet që do kenë më shumë turistë dhe me këtë vaksinim japin një garanci më shumë për turistët që do vijën të gjejnë hotele që janë të lira nga COVID. Pastaj do vazhdojë dhe me të tjerët, por të gjithë të aplikojnë dhe të futen në radhë për të marrë vaksinën. Dy kategoritë e tjera janë punonjësit në fabrika dhe një kategori shumë e rëndësishme janë edhe transportuesit të udhëtarëve, janë në një zonë risku të konsiderueshme”, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern