Tre fëmijë të mitur gjenden të vd ekur në shtëpi, arrestohet nëna e tyre si autore e dyshuar

Tre fëmijë rreth moshës 5 vjeç janë gjetur të therur ditën e djeshme në një apartament në Los Anxhelos. Policia njoftoi se nëna e fëmijëve është arrestuar si e vetmja autore e dyshuar për këtë ngjarje.

Departamenti i Policisë në Los Angeles (LAPD) tha se policia iu përgjigj një telefonate pasi në një ndërtesë pranë Rrugës së Resentës kishte ndodhur ngjarja e rëndë. Policia hyri në apartament dhe gjeti të tre të vegjlit të vdekur.

Mediat fillimisht raportuan se viktimat ishin nën moshën 3 vjeç, duke cituar burime policore. Fëmijët u gjetën të vdekur nga gjyshja e tyre.

LAPD njoftoi se nëna 30-vjeçarja Liliana Carrillo, me origjinë nga Amerika Latine, ishte arrestuar si e dyshuara e vetme në ngjarjen makabre.

Sipas policisë, Carrillo, u arrestua në Poderosa, Tulare County, California, një komunitet malor më shumë se 200 milje larg Los Angeles.