Policia e Kosovës ka arrestuar sot një 40-vjeçar, i cili ishte në kërkim ndërkombëtar pasi akuzohet se ka përfituar me anë të mashtrimit shuma të mëdha nga persona të ndryshëm për vitet 2009-2010 në Shqipëri.
Policia bën me dije se i arrestuari është Burim Haxhiolli, 40 vjeç banues në Suharekë të Kosovës.
Shtetasi në fjalë është arrestuar në Kosovë dhe më pas ai është ekstraduar në vendin tonë pasi Gjykata e Rrethit Gjyqësor Tiranë e ka dënuar me 13 vjet burg për mashtrim.
NJOFTIMI ZYRTAR I POLICISË
Ekstradohet nga Kosova një shtetas i dyshuar për veprat penale “Mashtrimi” dhe “Pastrim i produkteve të veprës penale”
Nga Specialistët e Interpol Tirana u krye ekstradimi nga Kosova drejt vendit tonë, i shtetasit kosovar :
Burim Haxhiolli , 40 vjeç, banues në Suharekë, Kosovë.
Shtetasi Burim Haxhiolli ishte shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Tiranë, e ka dënuar me 13 vjet burg për veprat penale të “Mashtrimit” dhe “Pastrim i produkteve të veprës penale” parashikuar nga nenet 143/2 dhe 287/b të Kodit Penal të Republikës së Shqipërisë.
Përmbledhje e ngjarjes së ndodhur:
Shtetasi Burim Haxhiolli në bashkëpunim me shtetasin V.K, kanë përfituar me anë të mashtrimit shuma të mëdha nga persona të ndryshëm gjatë vitit 2009 dhe 2010 në Shqipëri. Më pas këto shuma parash i kanë transferuar nëpërmjet bankave të nivelit të dytë.
Si rezultat i bashkëpunimit të Interpol Tirana me Policinë e Kosovës, u bë i mundur arrestimi i tij në Kosovë, duke u finalizuar me ekstradimin e tij drejt vendit tonë.
