Në vijim të bashkëbisedimit me gazetarët në Kryeministri, shefi i qeverisë Edi Rama deklaroi se data e zgjedhjeve të 30 qershorit nuk do të shtyhet.
Ai tha se nuk mund të shtyjë datën e zgjedhjeve e të dalë kundra kushtetutës pasi as në marrëveshjen e 2017 me Partinë Demokratike nuk u negociua kushtetuta.
“Ne nuk kemi mundësi të negociojmë Kushtetutën e Shqipërisë. Bëmë një marrëveshje në 2017-ën, por nuk negociuam Kushtetutën. E kam refuzuar që në sekondën e parë deri në sekondën e fundit shtyrjen e zgjedhjeve dhe mos gaboj u shtynë një javë. Këto zgjedhje nuk shtyhen dot asnjë ditë se presidenti mes 23 dhe 30 ka zgjedhur 30 pra zgjedhjet e 30 qershorit do të mbahen në 30 qershor dhe në këtë pikë unë s’ kam asnjë mundësi reale për të fantazuar, sepse është Kushtetuta e Shqipërisë.Unë kam nderin e madh të flas në emër të një hsumice që sot është shumicë në Parlament dhe në popull. Ajo shumicë nuk negocion dot Kushtetutën dhe të drejtën për të hyrë në proces zgjedhor’, u shpreh Rama.
