LIGJET E BIZNESIT
Ambasadori britanik ne vendin tone, Dunkan Norman ka zbarkuar mengjesin e sotem ne seline e PD-se, per nje takim me kryedemokratin Lulzim Basha.
Takimi vjen nje dite pas protestes se radhes qe opozita mbajti ne nje marshim 3 ore ne shi dhe tumbim para 5 insitucioneve.
Nuk ka ende detaje lidhur me qellimin e takimit qe po zhvillohet pa mediat ne seline blu, por mendohet se ne qender te tij eshte situata aktuale politike ne vend.
Ne reagimet e tyre para protestes se opozites, faktori nderkombetar teksa beri thirrje per tubim paqesor e denim te dhunes, u beri apel paleve qe te ulen ne dialog per te gjetur nje zgjidhje.
“Ne i bëjmë thirrje të gjitha palëve të hyjnë në dialog, e cila është mënyra e vetme në të cilën bllokimi i tanishëm mund të zgjidhet. Dhuna dhe retorika nuk janë përgjigja”- thuhej nder te tjera ne apelin e ambasades britanike nje dite me pare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojme se nje dite me pare, pak para protestes, ambasada Britanike apeloi per proteste te paqte dhe denoi dhunen.
Deklarata e plotë:
E drejta për të protestuar është një përbërës thelbësor i një demokracie të shëndetshme. Por protestat duhet të jenë paqësore.
Ne dënojmë dhunën që u zhvillua gjatë protestës së 11 majit që plagosi si policinë dhe protestuesit dhe shkaktoi dëme në pronë.
Ne u kërkojmë liderëve të opozitës të dënojnë dhunën dhe të sigurojnë që protestat që ata mbajnë janë paqësore dhe të mbahen në përputhje me ligjin.
Ne gjithashtu kërkojmë që policia të tregojë përmbajtje dhe të respektojë sundimin e ligjit që ata mbështesin. Ne dënojmë me gjithë zemër frikësimin e ambasadorit të OSBE-së dhe dëmet e shkaktuara në qëndrimin e tij zyrtar. Nuk ka vend për një veprim të tillë në një demokraci moderne.
Ne i bëjmë thirrje të gjitha palëve të hyjnë në dialog, e cila është mënyra e vetme në të cilën bllokimi i tanishëm mund të zgjidhet. Dhuna dhe retorika nuk janë përgjigja./panorama
