Zv.kryetari i LSI, Luan Rama ka dalë në një konferencë për shtyp në fund të protestës së sotme të Opozitës. Duke folur nga selia e LSI, Rama tha se edhe një herë ky marshim tregoi se shqiptarët nuk mund t’i ndalë dot më asgjë.
Sipas zyrtarit të lartë të LSI ky është vetëm fillimi, pasi revolta dhe marshimi do të zgjerohet akoma edhe më shumë.
“Me protestën e tyre, me marshimin e tyre sot shqiptarët demonstruan se nuk ka forcë t’i ndalë, në misionin e tyre, Shqipëria europiane me zgjedhje të lira. Nën këtë frymë vendosmërie do të vazhdojmë ditë pas dite deri sa Shqipëria të shpëtojë nga junta kriminale. Protestat revolta e marshimi i fitoret do të vazhdojë pa ndërprerje. “ u shpreh Luan Rama.
