LIGJET E BIZNESIT
Vetëm një orë nga fillimi protestës së Opozitës ka ardhur reagimi i parë nga organizatat ndërkombëtare. Është kryetari i OSBE-së në detyrë dhe Ministri i Punëve të Jashtme i Sllovakisë Miroslav Lajçak i cili ka dënuar aktet që kanë ndodhur në rezidencën e ambasadorit të OSBE në Tiranë, Bernd Boshard.
Përmes një njoftimi të shpërndarë për mediet, i bëhet thirrje Opozitë që të qëndrojë larg dhunës dhe zyrtarëve të zbatimit të ligjit që të tregojnë përmbajtje
“Trazirat nuk janë zëvendësuese për angazhimin politik demokratik. Ata presin çdo shans për dialog – dhe për këtë arsye çdo shans për të gjetur një bazë të përbashkët. Ne i bëjmë thirrje të gjithë liderëve politikë dhe qytetarëve të Shqipërisë që të tregojnë përgjegjësi, të demonstrojnë në mënyrë paqësore dhe të veprojnë me përmbajtje. OSBE do të vazhdojë të mbështesë procesin demokratik në Shqipëri. Një përshkallëzim i krizës në mënyrë do të pengonte përparësitë strategjike të brendshme dhe të jashtme të Shqipërisë. Ka ardhur koha për të hartuar një platformë të brendshme për dialog, e cila përfshin të gjithë aktorët relevantë, duke përfshirë të gjitha palët, shoqërinë civile dhe akademinë, për të kapërcyer dallimet dhe për të punuar së bashku në interesin më të mirë të Shqipërisë “, thuhet në njoftim.
