Një pjesë e parë e denjë si një reklamë për futbollin shqiptar është mbyllur në barazim. Pas golit të Çinarit për Partizanin, ka barazuar Greca për bardheblutë. Goli i mesfushorit erdhi në minutën e 41’, ku u mendua se Partizani po shkonte drejt një fitoreje të thjeshtë në këtë derbi të fundit për këtë sezon.
Loja në këto 45 minuta ka qenë deri diku e barabartë me aksione të rrezikshme nga të dyja krahët.
Lojës së bukur i janë bashkuar edhe tifozët, që deri në këto momente janë duke dhuruar një spektakël më vete.
