Gjatë takimit të sotëm me gazetarët në kryeministri Rama është pyetur se përse nuk jep dorëhqejen në mënyrë që kështu të zgjidhet ngërçi politik.
Kreu i qeverisë është përgjigjur se ai ka një kontratë me qytetarët dhe është mandatuar nga ata dhe si pasojë e këtij fakti nuk mund të dorëhiqet.
“Kryeministri, i dashur si institucion nuk është kapiteni i një skuadre me porta të vogla, është i mandatuar dhe ka një kontratë që nuk mund ta prishë sepse mbanë përgjegjësi me ata që e kanë mandatuar.
Nuk jemi në kushte karshillëku por përgjegjësi, dhe nuk funksionon me shprehjen hapi rrugë budallait sepse bëhet fjalë për jetën e vendit. Ndryshe, sot ju thosha hajde t’ju jap kafe a çaj a raki se po iki. Por s’jam këtu për ato aspekte, por për disa arsye të tjera shumë të forta, që lidhen me arsyen se përse jam ky jam”, tha Rama.
Kryeministri ka thënë më tej se arsyeja pse opozita po tenton ta rrëzojë me forcë dhe jo me zgjedhje është pikërisht sepse ata sipas tij nuk e mundit dot.
“Për ta unë jam probleme sepse nuk më mundin dot! Nga ana tjetër duke krijuar këtë situatë kërkojnë që ti dëshpërojnë njerëzit… Por hajde mo zgjidhe shumica nuk e thotë. Sikleti im me shumicën është ca më thonë mua, deri në 2, deri në 3 të natës…
Ka nga ata që thonë, ik më mirë përderisa nuk i fut dot në burg këta sonte!! Këtë se bëj dot se nuk është detyra ime dhe përgjegjësia ime, se po të ishte, kam frikë se… Kjo është përgjigjja ime. Sa i përket ujit, kanë marrë gjatë gjithë kohës dje”, tha Rama.
