LIGJET E BIZNESIT
Kryeministri Edi Rama ka folur vetë sot për debatin me ish-ministrin Ditmir Bushati dhe pikëpamjet e ndryshme që ndajnë.
Sipas Ramës, Bushati nuk u la jashtë listave sepse mendon ndryshe, pasi kjo gjë nuk ka të bëjë fare.
Kreu i qeverisë shtoi se edhe Sandër Lleshaj ishte ministër i mirë, por sërish u la jashtë listave.
PJESE NGA FJALA E RAMES:
E kam mbështetur deri në fund sepse një sekretar nga Shqipëria do të ishte kryevepër. Si mundem të jem personi që meqë tha kështu dhe ashtu. Sandër Lleshaj ka qënë ministër edhe më i mirë. Po nuk është në lista. Pse? Nuk do të thotë që që dikush të jetë ministër i mirë dhe të jetë deputet me patjetër. Lleshaj nuk ka pasur as kohën dhe as mundësinë që të bëjë më shumë sesa detyrën si ministër.
Dhe si ministër nuk ka ardhur nga PS. E ka thënë dhe kjo është e vërteta. Ka ardhur si qytetar dhe ka besuar tek vizioni, dhe punoi me mua për një periudhë kohë. Bushati është bërë ministër sepse e ka bërë PS. Shokët e Bushatit sot janë tek kufiri, jo sepse nuk kanë bërë debate me mua por sepse përveç punës si ministrave, kanë punuar tokën. Kanë punuar tokën. Kanë mbjellë dhe kultivuar në terren.
Ndërsa Bushati ditën e parë që u ndryshua si drejtues i Shkodrës ka zbritur nga treni dhe nuk është shfaqur më në asnjë aktivitet që nuk janë puna juaj. Nuk janë televizive. Janë pjesë e pandashme e punës të çdo njeriu që ka një mandat nga socialistët. Ç’kam me Bushatin unë? Ka mendime të tijat, unë nuk jam dakord. Ai thotë të vetat, unë të miat. Jeta vazhdon. Nëse do të punonte tokën, shumë nga ato që thotë s’do i kishte thënë. Se aty ka qenë. Bushati nuk ka si të jetë në skuadër por nuk e ndryshon vlerësimin tim dhe gatishmërinë që të bëj debat me të.
Nuk i ndryshon këto. As për Fatmir Xhafën. Ai nuk ka bërë naze për vendin. Ka marrë vendin ku është dhe do të përballojë sfidën që ka.Bushati është një investimet më të rëndësishme. E ndjej si njeriun tim. Shpresoj ta kapë trenin prapa. Nuk po i kërkoj askujt të bëjë sa unë. Po unë që të jem rekordmendi i takimeve me njerëzit dhe një deputet mos të takojë njerëzit 4 vjet. Apo një ministër të dalë në Parlament dhe të hedhë vickla duke mos bërë punën tjetër. Është jashtë mundësive të mia kjo për ta gëlltitur.
