“Jam me fëmijë të vegjël” I vuri flakën Drejtorisë Arsimore në Fier, flet autori: Kam tre muaj pa punë

Indrit Alushaj, i riu me profesion mësues i cili i vuri flakën Drejtorisë Rajonale Arsimore në Fier para disa ditësh, ka dalë para gjykatës.

Ai ka thënë se është penduar për veprimin që ka bërë, por ishte tepër vonë.

Ndër të tjera 33- vjeçari është shprehur se kishte tre muaj pa punë, ndaj edhe ka bërë një veprim të tillë ndaj Drejtorisë Arsimore në Fier.

“Patjetër që jam penduar. Më kish ardhur në majë të hundës, kisha tre muaj pa punë. Jam me fëmijë të vegjël”, ishin fjalët e tij në gjykatë, aty ku më pas u la në arrest me burg.

Kujtojmë se ngjarja ndodhi dy ditë më parë, ku mësuesi 33-vjeçar kishte menduar që të merrte hak ndaj “punëdhënësve” duke i hedhur benzinë godinës së DAR dhe më pas i ka vënë zjarrin, gjë e cila alarmoi gjithë Policinë dhe punonjësit e institucionit arsimor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern