LIGJET E BIZNESIT
Moderatori i njohur Ardit Gjebrea është infektuar me Covid-19 prej dy javësh dhe prej asaj kohe ka munguar në emisionin “E Diela Shqiptare”.
Emisioni u prezantua nga personazhe publike, të cilët Arditi edhe i ka falenderuar publikisht.
“Faleminderit për emocionet”, ka shkruar moderatori për këngëtaren Marsela Çibukaj e cila moderoi rubrikën “Ka një mesazh për ty”.
Po ashtu, ai ka falenderuar edhe aktorin Gentjan Zenelaj që prezantoi “Telebingon Shqiptare”, Ardit Gjebrea shkruan: “Sa shumë gëzim na solle sot.”
Ndërkohë për rubrikën “Të panjohurit”, Gjebrea shkruan për Enkel Demin: Lezeti dhe batutat tek “Të Panjohurit”.
Ndërkohë, për Eni Çobanin ka pasur një mesazh se nuk do ta linte më vetëm, duke pasur parasysh edhe faktin se edhe përballja e fundit mes dy vëllezërve tek “Shihemi në Gjyq” ishte mëse e vështirë për të.
Ardit Gjebrea shkruan: “Javën që vjen nuk të lë më vetëm.” Besohet se javën e ardhshme ai do të kthehet në emisioni i tij, i shëruar plotësisht nga Covid-19.
