“Klodian Tanushi është një engjëll mbrojtës i paqes dhe ra dëshmor për Shqipërinë, Letoninë dhe Evropën”.
Më këto fjalë kreu i Kuvendit Gramoz Ruci ka ngushëlluar familjarët e majorit Klodian Tanushit, i cili ndërroi jetë nga plagët e marra nga shpërthimi i një mine gjatë një stërvitje të NATO-s në Letoni.
“Shqipëri, ji krenare për bijtë e tu që sakrifikohen për sigurinë e qytetarëve të Evropës dhe të botës”, shtoi në mesazhin e tij kryetari i Kuvendit.
Në aksidentin e ndodhur në Letoni të hënën e kaluar humbi jetën edhe nëntetarja Zarife Hasanaj si dhe u plagos rreshteri Julian Kapaj.
