LIGJET E BIZNESIT
Një situatë problematike në sektorin e ujësjellës-kanalizimeve është ajo që ilustrohet në raportin e Entit Rregullator të Ujit për vitin 2018. Të dhënat tregojnë se furnizimi me ujë të pijshëm është përkeqësuar, ndërkohë që është rritur numri i punonjësve pranë këtyre ndërmarrjeve. Për vitin që lamë pas, mbulimi me ujë u bë për 78.2% të territorit nga 78.3% që ishte shkalla e mbulimit në vitin 2017.
“”Mbulimi me Furnizimin me Ujë” ka një përkeqësim të vogël me 0.09% krahasuar me vitin 2017. Popullsia në juridiksion ka pësuar një rritje me rreth 292.579 banorë dhe nga ana tjetër dhe popullsia e shërbyer është rritur me rreth 226.910 banorë.
Përkeqësimi argumentohet me përfshirjen në zonën e shërbimit të shoqërive UK të riorganizuara të mjaft zonave rurale (zona të bardha) në të cilat nuk ekzistojnë sisteme inxhinierike të furnizimit me ujë”, theksohet në raportin e ERRU-së.
Shqetësues është edhe niveli i humbjeve. E thënë ndryshe, e ujit që derdhet dhe nuk arkëtohet dhe që vlerësohet në 63.4% të totalit.
“Uji Pa të Ardhura” ka një përmirësim me 2%, por ende mbetet në nivele të larta. Për vitin 2018 mesatarisht prodhohet 304 litra ujë në ditë për frymë ndërkohë që faturohet 107 litra. Performanca pozitive e këtij treguesi duhet marrë me rezervë, sepse llogaritja e tij bëhet në baza vlerësimi (jo matje) për shkak të mungesës në përgjithësi të matësave të ujit në burim”, shkruhet në raport.
Ndaj kësaj situate ka reaguar eksperti i ekonomisë, Zef Preçi. Sipas tij, asgjë të re nuk ka nga ky sektor, përveçse përkeqësim të treguesve kryesorë. “Ne cdo 3 litra uje te leshuar ne rrjet, vetem 1 liter kthehet ne leke ne arken e shoqerise publike perkatese, pjesa tjeter ose 65% raportohet si humbje perndryshe uje pa te ardhura… Kjo situate eshte e pandryshuar prej nja dhjete vitesh…”, shkruan Preçi.
POSTIMI I PLOTË:
ASGJE E RE NGA MENAXHIMI I UJESJELLESVE OSE “SELANIK E TATEPJETE…”
(Duke lexuar raportin vjetor te ERRU per vitin 2018)
Nder konstatimet kryesore te shprehura ne tabelen e perzgjiedhur dhe ne raportin e publikuar te bien ne sy edhe sa vijon:
a) Ne cdo 3 litra uje te leshuar ne rrjet, vetem 1 liter kthehet ne leke ne arken e shoqerise publike perkatese, pjesa tjeter ose 65% raportohet si humbje perndryshe uje pa te ardhura… Kjo situate eshte e pandryshuar prej nja dhjete vitesh…
b) Ne total stafi i shoqerive UK eshte rritur gjate 2018-tes me 333 punonjes (sipas parimit “shto uje e shto miell…”)
c) Te gjithe operatoret e ujit ose kane rritur me pare (Tirana, 2017) ose jane proces rritjeje te tarifes se konsumit te ujit, ndersa enti perkates rregullator eshte ne proces rishikimi te metodologjise perkatese…
d) Ne raport asnje fjale per faktin qe uji eshte papijshem qe paguhet si uje i pijshem, as per faktin se cdo rritje tarife cenon direkt nivelin e jeteses se qytetareve, sidomos shtreses me te varfer te tyre…
E megjithate, shkenca e menaxhimit te ketij utiliteti publik na meson se permiresimi i cilesise se sherbimit mund te vije kryesisht vetem nga reduktimi i fuqise punetore dhe rritja e normes se arketimit. Deri atehere…
